अरण्यकाण्ड - Araṇyakāṇḍa (भाग - ९ ;;; Part – 9)

 

अरण्यकाण्ड - Araṇyakāṇḍa (भाग - ९ ;;; Part – 9)

Sarga number as per Ramayana	Shlokas extracted	No. of shlokas	Cumulative number of shlokas in this Kanda
35	ततः शूर्पणखा वाक्यं तच्छ्रुत्वा रोमहर्षणम् | सचिवानभ्यनुज्ञाय कार्यं बुद्ध्वा जगाम ह || १|| तत्कार्यमनुगम्याथ यथावदुपलभ्य च | दोषाणां च गुणानां च सम्प्रधार्य बलाबलम् || २|| इति कर्तव्यमित्येव कृत्वा निश्चयमात्मनः | स्थिरबुद्धिस्ततो रम्यां यानशालां जगाम ह || ३|| यानशालां ततो गत्वा प्रच्छन्नं राक्षसाधिपः | सूतं सञ्चोदयामास रथः संयुज्यताम् इति || ४|| एवमुक्तः क्षणेनैव सारथिर्लघुविक्रमः | रथं संयोजयामास तस्याभिमतमुत्तमम् || ५|| काञ्चनं रथमास्थाय कामगं रत्नभूषितम् | पिशाचवदनैर्युक्तं खरैः कनकभूषणैः || ६|| मेघप्रतिमनादेन स तेन धनदानुजः | राक्षसाधिपतिः श्रीमान्ययौ नदनदीपतिम् || ७|| तं तु गत्वा परं पारं समुद्रस्य नदीपतेः | ददर्श दण्डकारण्यं राघवस्याश्रमं ततः| मृगो भूत्वाश्रमद्वारि रामस्य विचचार ह || ८||	8	742
Ravana proceeds to Dandakaranya for the abduction of Seetha. He travels by his aircraft-like chariot and arrives at the hermitage of Shri Rama and takes the form of a Golden deer.
42	मणिप्रवरशृङ्गाग्रः सितासितमुखाकृतिः | रक्तपद्मोत्पलमुख इन्द्रनीलोत्पलश्रवाः || १|| किं चिदभ्युन्नत ग्रीव इन्द्रनीलनिभोदरः | मधूकनिभपार्श्वश्च कञ्जकिञ्जल्कसंनिभः || २|| वैदूर्यसङ्काशखुरस्तनुजङ्घः सुसंहतः | इन्द्रायुधसवर्णेन पुच्छेनोर्ध्वं विराजितः || ३|| मनोहरस्निग्धवर्णो रत्नैर्नानाविधैर्वृतः | क्षणेन राक्षसो जातो मृगः परमशोभनः || ४|| वनं प्रज्वलयन्रम्यं रामाश्रमपदं च तत् | मनोहरं दर्शनीयं रूपं कृत्वा स राक्षसः || ५|| प्रलोभनार्थं वैदेह्या नानाधातुविचित्रितम् | विचरन्गच्छते सम्यक्षाद्वलानि समन्ततः || ६|| रूप्यबिन्दुशतैश्चित्रो भूत्वा च प्रियदर्शनः | विटपीनां किसलयान्भङ्क्त्वादन्विचचार ह || ७|| कदलीगृहकं गत्वा कर्णिकारानितस्ततः | समाश्रयन्मन्दगतिः सीतासन्दर्शनं तदा || ८|| राजीवचित्रपृष्ठः स विरराज महामृगः | रामाश्रमपदाभ्याशे विचचार यथासुखम् || ९|| पुनर्गत्वा निवृत्तश्च विचचार मृगोत्तमः | गत्वा मुहूर्तं त्वरया पुनः प्रतिनिवर्तते || १०|| विक्रीडंश्च पुनर्भूमौ पुनरेव निषीदति | आश्रमद्वारमागम्य मृगयूथानि गच्छति || ११|| मृगयूथैरनुगतः पुनरेव निवर्तते | सीतादर्शनमाकाङ्क्षन्राक्षसो मृगतां गतः || १२|| परिभ्रमति चित्राणि मण्डलानि विनिष्पतन् | समुद्वीक्ष्य च सर्वे तं मृगा येऽन्ये वनेचराः || १३|| उपगम्य समाघ्राय विद्रवन्ति दिशो दश | राक्षसः सोऽपि तान्वन्यान्मृगान्मृगवधे रतः || १४|| प्रच्छादनार्थं भावस्य न भक्षयति संस्पृशन् | तस्मिन्नेव ततः काले वैदेही शुभलोचना || १५|| कुसुमापचये व्यग्रा पादपानत्यवर्तत | कर्णिकारानशोकांश्च चूटांश्च मदिरेक्षणा || १६|| कुसुमान्यपचिन्वन्ती चचार रुचिरानना | अनर्हारण्यवासस्य सा तं रत्नमयं मृगम् | मुक्तामणिविचित्राङ्गं ददर्श परमाङ्गना || १७|| तं वै रुचिरदण्तौष्ठं रूप्यधातुतनूरुहम् | विस्मयोत्फुल्लनयना सस्नेहं समुदैक्षत || १८|| स च तां राम दयितां पश्यन्मायामयो मृगः | विचचार ततस्तत्र दीपयन्निव तद्वनम् || १९|| अदृष्टपूर्वं दृष्ट्वा तं नानारत्नमयं मृगम् | विस्मयं परमं सीता जगाम जनकात्मजा || २०||	20	762
After assuming the form of a golden deer, Ravana roams in the vicinity of Shri Rama’s ashrama, and Seetha catches a sight of that deer.

इत्यार्षे श्री रामायणे अरण्यकाण्डे नवम: भाग:

 

Araṇyakāṇḍa Part-8

Araṇyakāṇḍa Part-10